تم تغيير النشيد الوطني المصرى وأصبح : بلادو بلادو بلادو ..... مصر لحسني وولاده...
**************
سألوا الرئيس عن رأيه في التغيير ، قال : التغيير ده سنة الحياة . قالوا :طب وسياتك مش هتتغير؟ قال : أنا فرض مش سنة
**************
واحد بلديتنا طلب يتعين في مجلس الشعب ، قالوله أنت أهبل؟ قال : يعنى لازم الشرط ده
**************
واحد بلديتنا مسكوه بيزور فلوس بيقول للضابط : أموت واعرف عرفتوا أزاي ؟ الضابط قاله : يا ابن الجزمة هو في ورقة ب65 جنيه
**************
ثلاثة محششين وقفوا تاكسي السواق عرف أنهم محششين شغل العربية وطفأها وقالهم وصلنا ، الأول دفع الأجرة ، والتاني قاله شكرا ، والثالث ضربة على قفاه وقاله متبقاش تجري بسرعة تأني
***************
واحد بخيل جاله شحات وقاله : أنا جعان ومدقتش طعم العيش بقالي يومين ، قاله البخيل : هو نفس الطعم متغيرش
**************
موجه لغة عربية بيقول للمدرس : ليه العيال بينطقوا الجيم دال ؟ قاله : ماهو ده اللي مدنني
**************
دعاء زوجات 2010: اللهم أشفي رجالنا من الندالة ، واعمي أبصارهم عن البنات النئاوه ، واجعل نانسي واليسا وهيفاء في عيونهم زبالة ، وصور لهم روبي شغالة ، وقربنا لهم وخلينا في عيونهم أخر حلاوة
***************
قسم الرجال المصريين عند الزواج: أقسم برب البريه ، أن أكون مطيعا للوليه ، وأن أسلمها المهيه ، وكل الحوافز الظاهرة والمخفية ، وأن أقطف لها الملوخية ، وأن أكون في البيت من المغربية ، وحسبنا الله ونعم الوكيل فالست ديه
حسنين بيقول لصاحبه : والله ماعرفتش طعم النوم في القطر امبارح
صاحبه : ليه ؟
حسنين : عشان كنت نايم في السرير الفوقاني
صاحبه: وماعرفتش تبدل
حسنين : لأ، ماكانش فيه حد في السرير التحتاني عشان ابدل معاه
واحد بلديتنا متعلم حب يفتح حساب في البنك سافر للقاهرة عشان يملا الاستمارة لانه شاف مكتوب عليها (FILL UP IN CAPITAL)
تحطمت طائرة صغيرة تتسع لراكبين فقط فوق احد المقابر بالصعيد
اخوانا بلديتنا انتشلوا 500 جثة وما زال الحفر مستمراً
ياعوضين بنتك ماتت
قام واحد بلديتنا وبسرعة رمى نفسه من الطابق العاشر
لما وصل الطابق الثامن تذكر انه ما عندوش بنت
لما وصل السادس تذكر انه مش متجوز
لما وصل للرابع تذكر انه مش عوضين ولكنه حسنين
لما وقع عالارض ماحصلش حاجة
بروفيسور واحد بلديتنا اخذ معاه سباك عالكلية
علشان يعرف من فين بتتسرب اسئلة الامتحانات
واحد بلديتنا بالغلط دخل متحف للفن الحديث
توقف عند احد اللوحات وسأل أحد المنظمين جنبه
ايه الشكل المرعب ده، هو ده الفن اللي بتسموه حديث؟
رد المنظم : دى مراية يا أستاذ
واحد بلديتنا فهمان ومراته طلبوا قهوة باحد المقاهي
بيقولها : اشربي بسرعة
قالتله : ليه؟
قالها : لانك جاهله ومابتعرفيش تقري، مكتوب قهوة ساخنة ب 5 جنيه وقهوة باردة ب10 جنيه
واحد بلديتنا واقف قدام المراية ومغمض عينيه
مراته بتساله : بتعمل ايه؟
قالها : بحاول اشوف شكلى ازاى وانا نايم
المدرس طلب من التلاميذ كتابة موضوع عن مباراة شافوها في كرة القدم
كل التلاميذ مشغولين بالكتابة الا عوضين الصغيَر
كتب جملة واحدة وقعد: 'بسبب الامطار تأجلت المباراة'
* واحد بلديتنا فتح معمل ثلج
سماه معمل الصعيد للمياه الناشفة
* ليه فترة الراحة في الشغل للبلديتنا عشر دقايق بس ؟
عشان لو اكتر من كده هنضطر نرجع نعلمهم الشغل من أول وجديد
* مرة واحد بلديتنا راح عند الصيدلي قال له: عندك لبن أطفال
الصيدلي سأله : اسمه إيه ؟
بلديتنا قال له : هريدى
* واحد بلديتنا فتح حساب بالبنك اعطوه بطاقة ATM راح غلفها بالبلاستيك
* مجموعه بلديتنا عملوا مظاهرة........... لبّسوا واحد منهم بوش وحرقوه
* مجموعه بلديتنا راحوا يلعبو بلياردو طلع واحد منهم عالطاولة و قال يللا يا رجاله انا الجون
* ايه اللى مكتوب داخل أحذية الجماعه بلديتنا؟
الأصابع أولا
* واحد بلديتنا راح للدكتور ، الدكتور قال له امشي كل يوم 5 كيلو.
اتصل واحد بلديتنا بعد أربعين يوم بالدكتور وقال له انا دلوقتى داخل على اسكندرية اعمل ايه؟ .
