مسابقه مش هتاخد من وقتك كتير
لكن هتخليك ديما بتبص على الايجابيات بتاعت المكان اللي انت فيه
مسابقتنا مش محتاجه منك غير انك تكون بجد
بتحب بلدك
ايوا بتحب بلدك بكل ما فيها مش قصدنا انك بتحب حكومتها
احنا بنقولك بتحب بلدك..؟!
مش مهم تكون منين..مصري سوري لبناني سوداني عراقي سعودي جزائري ايا كان انت منين
المهم انك عربي وبتحب بلدك
المسابقه عباره عن ايه..؟!
مسابقتنا عبارة عن تكوين اكبر موسوعه نقول فيها اننا بنحب بلدنا العربيه كلها
هيكون عبارة عن مشاركات ايجابيه نعبر بيها عن حب بلادنا العربيه
هنخلي عيونا ترصد كل الحاجات الجميله اللي حوالينا ان شاء الله عصفورة جميله طايره في ارض بلدي
اي مشاركات بتعبر بيها عن حبك لبلدك تقدر تشارك فيها في الموضوع ده زي:
قصيده انت كاتبها
مقال انت كاتبه
صوره صورتها لمكان جميل شوفته
كلمه جميله عايزه تقولها لبلدك
حتى لو كنت اكلت وجبه حلوه في مطعم جميل اصله من بلدك وحابب تكلمنا عنه ادخل وشارك
بيت شعر عن بلدك شوفته وعجبك
صورة وانت بتتفرج شوفتها بتعبر عن جمال بلدك
إن شا الله المشاركه حتى لو بكلمه واحد
تقدر تشارك معانا اكتر من مليووووووووون مره كمان
شروط المسابقه:
1- انك تكون بجد بتحب بلدك او المكان اللي عايش فيه
2- ممنوع وضع اي صور نسائيه او مرعبه او تثير الاشمئزاز
3- اي مشاركات توضح سلبيات المكان اللي انت فيه ممنوعه
4- تقدر تصور مكان مش في بلدك بس بشرط يكون في بلد عربيه وتذكرهالنا
كيفية حساب النقاط:
كل مشاركه فيها حاجه عن ايجابيات بلدك زي ما وضحنا فوق هتكون بنقطتين
ولو المشاركه دي كانت من تأليفك او من كاميرتك الخاصه دي هتكون ب 10 نقاط
الفايزين:
هيكون عندنا فايزين كتير
- الفايز بأجمل مشاركه
- الفايز بأكتر عدد نقاط
- الفايز التاني باكتر عدد نقاط
- الفايز التالت باكتر عدد نقاط
الجوايز:
جوايزنا قيمه جدا جدا
مش هنقولها دلوقت لكن هنخليها مفاجأه..
